என் காலச் சக்கரம் நீ.

நான் புள்ளி வைக்கிறேன்.
நீ கோடு போடுகிறாய்.
என் அழகான வாசல்
அழுக்காகிப் போக
சத்தமில்லாமல் இசைகிறது
ஒரு அதிகாலை ராகம்.

என்னை
சிலுவையில்
அறைவதும்
உச்சிப் பொட்டில்
முத்தமிடுவதும்
உன் விருப்பம்.
அதற்கு முன்
சொல்லிவிட்டுப் போ.
நம் குழந்தைக்கு
என்ன பெயர் வைக்கலாம்!


                                                                                                                                                                          
என் மீதான
ஏக்கங்களும்
தாபங்களும்
அதிகமாவதற்கு
என்ன செய்வதென்கிறாய்!
அடப்பாவி
அதற்காத்தானே
காத்திருக்கிறது
என் மஞ்சம்!

உதடு குவித்து
இதயம் நெருங்கும்
மூச்சுக் காற்றின்
காதல் நேரத்தில்
அழுத்தமாய் பதிந்து
ஆனந்த வலி தருகிறது
நீ கட்டிய தாலி!


உச்சிப் பொட்டில்
உள்ளக் குமறளில்
உள்ளங் காலில்
தடை இல்லாத
என் கனவுகளில்,
இதயத்தில் ஆழத்தில் 
என்னுள் சக்கரமாய்
சுழல்கிறது  உன் காதல்.